متجرك هو شراع تجارتك.. خلّه يوصّلك لأهدافك
من دراسة نشاطك واحتياجات عملائك، إلى تصميم متجر يعبّر عن علامتك ويسهّل على عملائك إتمام الشراء.
ومع متجر مبني على احتياجات عملائك، تقدر:
عميلك اليوم يبي يكتشف منتجاتك، ويقارن بينها، ويعرف أسعارها، ويطلب اللي يحتاجه بسهولة.والمتجر الإلكتروني يسهّل عليه هالرحلة، ويخلّي منتجاتك متاحة للتصفح والطلب حتى خارج أوقات العمل.
تكون حاضر في أي وقت
تتيح لعملائك تصفّح منتجاتك والطلب منها على مدار الساعة، بدون ما يرتبط الشراء بوقت دوامك.
توسّع فرص وصولك لعملاء جدد
بدل ما تقتصر تجارتك على اللي يعرفون محلك، تفتح باب الوصول لعملاء يكتشفونك من البحث والإعلانات ومختلف القنوات الرقمية.
تبني الثقة قبل الشراء
من تفاصيل المنتجات إلى سياسات الاستبدال والاسترجاع وطرق الدفع، كل معلومة واضحة تساعد العميل ياخذ قراره بثقة أكبر.
تأسّس لنمو قابل للتطوير
تجمع منتجاتك وطلباتك في مكان واحد، وتبني أساسًا تقدر تطوّره مع نمو تجارتك واحتياجات عملائك.
لا تخلّي منتجاتك تنتظر فرصتها بالسوق
إذا للحين ما عندك متجر إلكتروني، أو متجرك الحالي ما يقدّم تجربة تليق بمنتجاتك، حان الوقت تعيد ترتيب خطواتك. مع شراع، نساعدك تبني متجر يسهّل تجربة الشراء ويهيّئ تجارتك للنمو.
كيف نشتغل على المتجر عشان يكون جاهز للبيع؟
نفهم تجارتك قبل ما نبدأ
ندرس طبيعة نشاطك ومنتجاتك والجمهور اللي تستهدفه، ونفهم وش يميّزك عن المنافسين؛ عشان نبني متجر يناسب احتياجات تجارتك، مو قالب يمشي على الجميع.
نرسم تجربة تسوّق واضحة
نرتّب أقسام المتجر وصفحاته، ونصمّم واجهة تعكس هوية علامتك وتسهّل على العميل الوصول للمنتج اللي يدور عليه، سواء كان يتصفّح من الجوال أو الكمبيوتر.
نجهّز تفاصيل تساعد على الشراء
من صفحات المنتجات ووصفها، إلى الأسعار وخيارات الشحن والدفع وسلة المشتريات؛ نهتم بالتفاصيل اللي يحتاجها العميل عشان ينتقل من التصفّح إلى إتمام الطلب بأقل تعقيد ممكن.
نختبر المتجر قبل الانطلاق
نراجع الصفحات والروابط وتجربة الطلب وتوافق المتجر مع الأجهزة، ونتأكد من إعداد الوظائف المتفق عليها؛ عشان يكون جاهز للإطلاق وفق نطاق المشروع.
وش الفرق اللي بيصنعه متجر شراع لتجارتك؟
مع متجر إلكتروني مدروس، تهيّئ تجارتك لتقديم تجربة أفضل لعملائك وتنظيم عمليات البيع بشكل أوضح.
تفاصيل المنتجات والأسعار والسياسات في مكان واحد، عشان العميل يلقى المعلومة اللي يحتاجها.
ترتيب منطقي للمنتجات وخطوات شراء واضحة تقلّل التعقيد في تجربة التسوّق.
متجر تقدر تربطه بجهودك التسويقية، وتستفيد منه في استقبال الزيارات القادمة من محركات البحث والإعلانات ومنصات التواصل.
تجميع المنتجات والطلبات ضمن منصة المتجر، بحسب خصائص المنصة والتكاملات المتاحة.
والفرق الحقيقي؟ إنك ما تكتفي بوجودك في السوق، بل تبني تجربة تساعد العميل يكتشفك ويفهمك ويطلب منك.
آراء عملائنا
نجاح عملائنا هو أفضل دليل على اللي نقدّمه.
كفو يا شراع، الشغل معكم جداً مريح ومنظم، وان شاء الله مستمرين في صنع النجاح سوا.
في أول الطريق كنت متردد صراحة وخايف اخسر فلوسي بس وكلت امري لله والحمدلله زادت فلوسي اضعاف بعد 3 شهور بس الحمدلله.
انا في الطبيعي ما أقيم!! لكن انتم حقيقي تستحقون على المجهود اللي بذلتوه مع علامتى التجارية بالأخص ريم وهاجر.. بسببكم قدرت اوصل لكل اهدافي الحمدلله، شكراً شراع 🤩
قبل ما اتعاقد مع شراع كان في بالي خيالات وتوقعات كثيرة عن أحلامي بس الحمدلله الحين انا وصلت.. وعديت اللي متوقعه بعد.
صراحة تعاملهم جدًا مريح، من أول ما بدأنا شايفين فرق واضح في مبيعاتنا واراء عملائنا.
الأسئلة الشائعة
ماذا لو صرفت على التسويق وما شفت اي نتيجة؟
المشكلة غالبًا تكون في طريقة التنفيذ، مو التسويق نفسه. لما يكون الشغل مبني على خطة واضحة، كل خطوة لها هدف، وكل ريال يُصرف في مكانه الصح، تضمن النتائج اللي اتفقت عليها مع الفريق.
كيف أضمن أن ميزانيتي ما تضيع على تجارب مو محسوبة؟
نضمن لك فريق احترافي يتعامل مع ميزانيتك وكأنها ميزانيتك الخاصة، بدون تجارب عشوائية.
كيف أعرف أن مشروعي بأيدٍ تهتم؟
لما تكون مطّلع على كل التفاصيل، وتلقى من يسمعك ويفهم أهدافك، تحس أنك تتعامل مع شريك يعتمد عليه، مو مجرد شركة.
ماذا لو ما عرفت وش الخدمة اللي تناسب مشروعي؟
نبدأ بفهم احتياجك أولًا، وبعدين نوجّهك للحل الأنسب.
ما زال عندك تساؤلات؟
نحن هنا لنوضح لك الطريق ونساعدك تختار الحل الأمثل لمشروعك.
احصل على استشارتك المجانيةتجارتك لها وجهة.. خلّنا نجهّز لك شراعها
ابدأ بمتجر إلكتروني مبني على احتياجات تجارتك، ومهيّأ عشان يقدّم لعملائك تجربة تسوّق واضحة.